
Аляксей Канстанцінаў
Сузаснавальнік цэнтра «Леванія», дзе працаваў з пытаннямі інклюзіі ў адукацыі: распрацоўваў і рэалізоўваў праекты ў Беларусі. Цяпер займаюся індывідуалізацыяй адукацыі: кансультую прыватныя школы і адукацыйныя ініцыятывы па цьютарскім суправаджэнні, пабудове індывідуальных адукацыйных праграм і працы з імі. Маю публічную лекцыю «Індывідуальная адукацыйная траекторыя: як з ёй працаваць?» — Кіеў, люты 2022 года — можна паглядзець на YouTube.
Стратэгічны кансультант і практык форсайту: дапамагаю арганізацыям і супольнасцям ператвараць нявызначанасць і складаныя сцэнары будучыні ў стратэгічныя рашэнні, уладкаванне арганізацый і ўстойлівыя сістэмы падтрымкі. Праводзіў форсайты пра будучыню адукацыі, працаваў з тэмамі прафесій і навыкаў будучыні. Кіраваў праграмамі, праводзіў знешнія ацэнкі і аналітычныя даследаванні ў грамадзянскай супольнасці і адукацыі ў Беларусі, Украіне і Еўропе. Падрабязней — у LinkedIn.
Пытанні, якія прыношу ў лабараторыі: як будзе выглядаць новая сістэма падзелу працы ў сферы адукацыі з улікам актыўнага распаўсюджвання сістэм машыннага інтэлекту, якія новыя функцыі і ролі з'яўляюцца, а якія вымушаныя будуць знікнуць? Якія крокі даступныя і асэнсаваныя для тых, хто хоча працягнуць кар'еру ў сферы адукацыі, а таксама для сем'яў і навучэнцаў, гатовых самастойна кіраваць уласнымі адукацыйнымі праграмамі?

